…Ich glaube würklich fescht draa, das es für e lebendigs Lebe aller Gattig Lüüt bruucht. Sottig, wo defür und sottig wo degäge sind. Sottig wo schpuured, und sottig wo proteschtiered. Sottig, wo luut uusrüefed, und sottig wo im Schtille en Iischprach mached. Es bruucht für en funktionierende Schtaat Krawall und Harmonie. Es bruucht Iigsesseni und sottig, wo sich no müend und dörfed orientiere. Aber ja. Es isch tatsächlich nid eifach, ali grossherzig wilkomme z heisse. Es sind ja au nid ales wissi Schaf, wo da chömed. Da gits wie bi ois Iiheimische gfleckti, grauschattierti und regebogefarbigi Schaf. Und nüüt isch eifacher als us Angscht oder us Ungeduld uf jedes Schwarzi z zeige…